പ്രണയത്തിന്റെ ചങ്ങല

നമ്മൾ പല രാത്രികളും വെളുപ്പിച്ചിരുന്നത് 

പ്രണയിച്ചു കൊണ്ടും , അവസാനിപ്പിച്ചതോ

ഒരുതുള്ളി കണ്ണുനീരുകൊണ്ടുമായിരുന്നു.

പല യാത്രകളും നാം തുടങ്ങിയിരുന്നത് 

ഒരു നേർത്ത തലോടലോടെയായിരുന്നു .

അവസാനിച്ചതോ ഒന്ന് തിരിഞ്ഞു പോലും നോക്കാതെ.

പല മോഹങ്ങളും  പങ്ക്കുവെച്ചതുമൊരു  

ദീർഘ നിശ്വാസത്തോടെ ആയിരുന്നു .

ഒരു ശ്വസോച്ഛാസത്തിന്റെ ആയുസുപോലുമില്ലാതെ

അവസാനിക്കുകയും ചെയ്തു .

ഒടുവിൽ പലതും പരസ്പരം 

പങ്ക്കുവെച്ചതും , നൽകിയതും

ഉള്ളിലെ ജീവന്റെ തുടിപ്പവസാനിക്കും വരെ 

നീയുണ്ടാകുമെന്നു കരുതിയായിരുന്നു. 

പക്ഷെ ഇപ്പോ നിന്റെ ശൂന്യത നികത്താൻ 

പഴയതുപോലെ രാത്രികളും, പകലും 

തിരിച്ചറിയാനാകാത്തവണ്ണം ഉന്മാദിയായി 

ചങ്ങലക്കണ്ണിയിൽ ശരീരത്തെയും തളച്ചു 

മനസിനെ പട്ടംപോലെ പറത്തിവിട്ടു 

ആനന്ദിക്കുകയാണ് .

-- by  അശ്വതി വാര്യർ --

#pranayam #maranam #aloness #depression

Aswathy Warrier