മേഘമൽഹാർ

 " മാതാപിതാക്കൾക്കു സ്നേഹനിധിയായ 

നല്ലൊരു മകളായിരുന്നില്ല ,

മുത്തശ്ശിക്കു കണ്ടുകൊണ്ടിരിക്കാൻ

നല്ലൊരു പേരകുട്ടിയായിരുന്നില്ല ,

ബന്ധുക്കൾക്കു സഹായമുള്ള

നല്ലൊരു ബന്ധുവായിരുന്നില്ല ,

സൃഹൃത്തുക്കൾക്കു തിരിച്ചു

നല്ലൊരു സുഹൃത്തായിരുന്നില്ല ,

സഹപ്രവർത്തകർക്കു സഹായമനസ്സുള്ള

സഹപ്രവർത്തകയായിരുന്നില്ല ,

സമൂഹത്തിനു പ്രയോജനമുള്ളോരു

വ്യക്തിത്വമായിരുന്നില്ല ,

എനിക്കിതൊന്നും ആകാനുമാകില്ല , 

ഇങ്ങനെയാകാൻ പലരും നിർബന്ധിച്ചതുമില്ല " , 

എങ്കിലും ...

"ഭർത്താവിനു കാമം തീർക്കാനുള്ള

നല്ലൊരു ശരീരമായിരുന്നു,

ശേഷം പലർക്കും തൃപ്തി നൽകിയൊരു

തൊഴിലാളിയായിരുന്നു 

നല്ലൊരു ലൈംഗീകത്തൊഴിലാളി ...  

കൈപ്പറ്റിയ പണത്തിനു ആത്മാർഥതയുള്ള 

നല്ലൊരു തൊഴിലാളി ,

അങ്ങനെ ആകാതിരിക്കാൻ കഴിയില്ല.

ഒട്ടിക്കിടക്കുന്ന വയറു നിറക്കാനും , നഗ്നത മറക്കാനും 

കെട്ടിയ പുതിയ വേഷപ്പകർച്ചയാണ് .

അവസാനം വരെ അരങ്ങിൽ തിമർത്താടാനായ് 

ഒരുക്കിയ ചായം പൂശിയ മാംസപിണ്ഡം."

വികൃതമായ കഥകളേറെ പറഞ്ഞു തീർക്കാനുള്ള 

ചടച്ച സ്ത്രീ ജീവിതങ്ങൾ - കേൾക്കാനാരുമില്ലെങ്കിലും 

അവരങ്ങനെ പലതും പുലമ്പിയും, 

പലരെയും പഴിച്ചും  ജീവിക്കുന്നു .

--- by അശ്വതി വാര്യർ --

#love #lust #Housewife #girl #women #marrage #life #relationship